Schepenakte - Heer Ermbrecht priester Willem Roeselmans soen was, Goeswijn die Cort sijn swager die Yden sijn zuster heeft Melis wilen Jan Roeselmans soen, Mechtelt ende Yden sijn zusteren voer hen selven ende Emont soen Jans Jan Roeselmans soen voirs. voer hem selven gelovende mede voer den voirs. sijnen vader ende zijn zusteren hebben erflic vercocht Matheeus soen wilen Matheeus van Stiphout die helft van eenre zillen lants tot Helmont e.z. erf Jans Rozelmans des auts was a.z. erf dat Jan Smeds van Geldrop was welc zille Seelken Godarts soen tot enen erfpacht vercregen hadde van Jan van Houbraken voer een mander rogs erfpachts ende voer der stat cijns welc helft der zillen den vercoperen toekomen zijn nae doiden Gertruden Roeselmans wittich wijf des voirs. Seelken Godarts W. Eyndhouts - schepen Henric Machiels - schepen 29 april 1433, 1429/1434